O proceso de traballo culminará o 28 de maio en Santiago co Foro Territorio Rural Resiliente. Silleda, 19 de marzo de 2026 | Os retos demográficos e o papel da …
A mesa de traballo celebrada na sede da Fundación RIA forma parte do proceso preparatorio do Foro Territorio Rural Resiliente, que reunirá en maio en Santiago p…
A mesa de traballo coordinada polo Laboratorio do Territorio do Campus Terra forma parte do proceso preparatorio do Foro Territorio Rural Resiliente, que reunir…
O fin último do Foro Territorio Rural Resiliente é contribuír a un territorio rural máis activo, resiliente ao lume e preparado para afrontar os retos económicos, demográficos, climáticos e ambientais, a través da mellora da ordenación e xestión territorial.
O territorio galego ten mudado de xeito drástico no último medio século. Un proceso caracterizado pola polarización, a especialización e o abandono de amplas zonas do rural.
O Foro prepararase e estruturarase a través de mesas de traballo que contarán coa participación de actores chave para promover a reflexión colectiva, aumentar o impacto e consensuar un conxunto de conclusións, liñas de traballo e accións concretas. Desde unha perspectiva plural e aplicada, as mesas de traballo integran persoas con coñecemento técnico, experiencia profesional e visións procedentes de distintos ámbitos. Os diferentes grupos están compostos por arredor de 20 persoas expertas e representantes de diferentes sectores profesionais e organizativos vinculados ao rural galego. O traballo das mesas culminará coa elaboración dunhas conclusións e liñas clave de reflexión, que servirán como base para o evento do Foro. As mesas de traballo debaterán e buscarán respostas as seguintes cuestións:
Cal é a visión estratéxica para o noso territorio e o modelo territorial obxectivo? Que funcións priorizamos e como encaixan coa resiliencia territorial: soberanía alimentaria, produción biomásica, paisaxe, biodiversidade, loita contra o cambio climático, enerxía?
Con que criterios deben ordenarse os usos agropecuarios e forestais? Que instrumentos son os acaídos? Que eivas normativas existen? Como se poden emendar? Como se pode materializar a planificación integral do territorio rural?
Como dinamizamos a xestión activa do espazo agroforestal? Que accións son necesarias para dinamizar o acceso á terra? Que factores son críticos para a instalación de novas actividades agrogandeiras?
Como abordamos as condicións necesarias para atraer persoas e impulsar actividades de xestión activa do territorio rural (acceso á vivenda, mobilidade, servizos básicos…)? Como impulsamos a remuda xeracional agrogandeira?
Como se poden acada consensos e co-responsabilidades tanto do sector privado como do público, e da sociedade no seu conxunto, para acadar un territorio rural activo e resiliente? Que experiencias inspiradoras e modelos de cooperación existen ou poden implantarse?
Cal é a percepción social das dinámicas e retos do territorio rural? Cal é o rol da comunicación na construción dun territorio rural resiliente? Como se pode aumentar a concienciación social sobre a necesidade dun territorio rural resiliente?
